Bashkimi Evropian mirëpret sigurimin e financimit për RTK-në

Zyra e Bashkimit Evropian në Kosovë ka reaguar pozitivisht ndaj vendimit të Qeverisë së Kosovës për financimin e Radiotelevizionit të Kosovës (RTK), duke e vlerësuar atë si një hap të rëndësishëm për të siguruar funksionimin e pandërprerë të transmetuesit publik.

Në një njoftim për media, BE thekson se ky vendim zgjidh çështjet e financimit të RTK-së për vitin 2025 dhe siguron vazhdimësinë e punës së tij gjatë muajve të parë të vitit 2026.

“Vendimi i Qeverisë së Përkohshme të Kosovës sot zgjidhi çështjet e financimit të RTK-së për vitin 2025, duke siguruar gjithashtu funksionimin e pandërprerë të transmetuesit publik në muajt e parë të vitit 2026. Ky është një zhvillim shumë i mirëpritur që i mundëson RTK-së të vazhdojë t’i shërbejë interesit publik,” thuhet në reagimin e Zyrës së BE-së.

RTK, si transmetues publik, varet nga financimi institucional për të garantuar funksionimin e saj të qëndrueshëm dhe pavarësinë editoriale. Bashkimi Evropian ka theksuar vazhdimisht rëndësinë e një mediaje publike të qëndrueshme dhe të pavarur.

Sinjali – aty ku e vërteta flet para lajmit!

/GazetaSinjali/

The post Bashkimi Evropian mirëpret sigurimin e financimit për RTK-në appeared first on Sinjali.