Trajneri i Barcelonës: Mbappe aktualisht është më i miri në botë

Trajneri i Barcelonës, Hansi Flick, ka dërguar një mesazh të qartë dhe të drejtpërdrejtë për lojtarët e tij para finales së Superkupës së Spanjës të dielën kundër Real Madridit, duke i nxitur ata të ripërsërisin paraqitjen dominuese që patën në gjysmëfinale, ku mundën Athletic Bilbaon me rezultat 5-0.

Në konferencën e tij për shtyp para ndeshjes në Jeddah, trajneri gjerman theksoi motivimin e veçantë të një finalje Clasico, duke mbajtur përqendrimin kryesisht tek ekipi i tij.

“Nesër dua të shoh versionin e ekipit që pamë kundër Athletic Bilbaos. Një finale kundër Real Madrid gjithmonë ngre motivim”, tha Flick.

“Një Clasico është një ndeshje krejt tjetër. Ne do të përpiqemi të japim më të mirën për të fituar nesër. Bëhet fjalë për të luajtur lojën, dhe tek ajo po përqendrohemi”, shtoi ai.

Trajneri gjerman vlerësoi cilësinë e kundërshtarit: “Real Madrid ka lojtarë të shkëlqyer, kështu që cilësia e skuadrës së tyre është jashtëzakonisht e lartë. Por unë jam i fokusuar tek ekipi im, sepse ajo që ka rëndësi është se si luajmë futboll nesër dhe si e fillojmë ndeshjen. Është një finale”.

Ai theksoi rëndësinë e motivimit për një sfidë të tillë: “Ne duam të fitojmë një titull, dhe kundërshtari është Real Madrid. Nuk mendoj se ka motivim më të madh se kaq”.

Flick foli edhe për sulmuesin e Barcelonës, Mbappe: “Tani për tani, Mbappe është sulmuesi më i mirë në botë. Saktësisht kjo. Ai ka shënuar shumë, shumë gola, dhe është një lojtar i klasit botëror”.

Trajneri shpjegoi gjithashtu strategjinë kundër lojtarit francez: “Si do ta menaxhojmë Mbappen? Sa Clasico kemi luajtur? Sa kemi fituar? Humbëm vetëm një. E di që ai është një lojtar fantastik, do të përshtatemi pak”.

“Por nuk bëhet fjalë vetëm për menaxhimin e Mbappes, bëhet fjalë për të gjithë Real Madridin. Ne jemi të fokusuar tek qasja jonë, tek stili ynë i lojës, i cili është i ndryshëm nga i tyre”, përfundoi Flick.

Sinjali – aty ku e vërteta flet para lajmit!

/GazetaSinjali/

The post Trajneri i Barcelonës: Mbappe aktualisht është më i miri në botë appeared first on Sinjali.