A do të qëndrojë Lewandowkski në Barcelona apo do të largohet?

Robert Lewandowski vazhdon të dëshmojë këtë sezon se mosha nuk është një pengesë për të. Sulmuesi polak ka shënuar 10 gola dhe mbetet një figurë kyçe për Barcelonën.

Për këtë arsye, as ai dhe as klubi nuk e përjashtojnë mundësinë e vazhdimit të bashkëpunimit.

Megjithëse kanë qarkulluar spekulime për një largim të mundshëm në fund të sezonit, disa zëra brenda klubit sugjerojnë që Lewandowski mund të qëndrojë edhe për një vit tjetër.

Sipas gazetës Sport, forma e mirë e treguar, veçanërisht në Superkupën e Spanjës, ka bindur shumë drejtues që ta mbajnë sulmuesin 37-vjeçar.

Edhe stafi teknik është i kënaqur me paraqitjet e tij.

Ndonëse këtë sezon ka qenë shpesh rezervë, Lewandowski ka ruajtur efikasitetin, me 10 gola në 20 ndeshje zyrtare.

Trajneri Hansi Flick ka theksuar se është i kënaqur me punën dhe nivelin e tij, pa dhënë ende një vendim për sezonin e ardhshëm.

Nga ana e tij, vetë Lewandowski nuk ka marrë ende një vendim.

Ai ka oferta nga MLS dhe Arabia Saudite, por dëshiron të marrë kohë dhe të flasë fillimisht me trajnerin.

Sipas AS, edhe pse cikli i tij te Barcelona mund të jetë drejt fundit, mundësia e qëndrimit nuk është përjashtuar plotësisht. Vendimi pritet të merret në një moment më të vonë.

Sinjali – aty ku e vërteta flet para lajmit!

/GazetaSinjali/

The post A do të qëndrojë Lewandowkski në Barcelona apo do të largohet? appeared first on Sinjali.