Sherr mes motrës dhe vëllait në Ferizaj, vëllai përfundon në ndalim për 48-orë

Konfliktet në familjet kosovare, shpeshherë përfundojnë me kanosje serioze e përleshje fizike, duke u dashur kështu intervenimi i Policisë. Përveç rasteve të dhunës mes çifteve, jo rrallëherë përfshihen në raste të tilla edhe anëtarët e tjerë të familjes, raporton Sinjali.

Kështu, një incident i dhunshëm mes anëtarëve të një familjeje është regjistruar mesditën e djeshme në fshatin Pleshinë të Ferizajt, ku një vajzë dyshohet se është sulmuar fizikisht nga vëllai i saj, mëson ekskluzivisht Gazeta Sinjali.

Ngjarja ka ndodhur rreth orës 12:00, kur pas një mosmarrëveshjeje verbale, i dyshuari me inicialet E.M. ka goditur me shuplaka në fytyrë motrën e tij, E.Z., duke i shkaktuar lëndime të lehta trupore. Viktima ka pranuar trajtim mjekësor për lëndimet e pësuara.

Pas raportimit të rastit, në vendin e ngjarjes kanë dalë njësitë policore, të cilat kanë kryer intervistimin e palëve dhe mbledhjen e provave relevante lidhur me incidentin.

Në koordinim me Prokurorin e Shtetit, rasti është iniciuar si “Lëndim i lehtë trupor”, ndërsa i dyshuari E.M. është dërguar në mbajtje për 48 orë.

Hetimet janë duke vazhduar për zbardhjen e plotë të rrethanave të kësaj ngjarjeje, ndërsa autoritetet pritet të ndërmarrin veprime të mëtutjeshme në përputhje me ligjin.

Sinjali – aty ku e vërteta flet para lajmit!

/GazetaSinjali/

The post Sherr mes motrës dhe vëllait në Ferizaj, vëllai përfundon në ndalim për 48-orë appeared first on Sinjali.