Rama vlerëson bartjen e buxhetit, kërkon që Ministria e Financave të zhbllokojë edhe 35 milionë euro

Në mbledhjen e sotme, Kuvendi Komunal i Prishtinës miratoi bartjen e mjeteve buxhetore, një hap që kryetari i rizgjedhur, Përparim Rama, e vlerësoi si të rëndësishëm për stabilizimin financiar të komunës.

Pas miratimit të buxhetit, Rama nuk ndali me kaq.

Ai përdori një postim për të kërkuar nga Ministria e Financave zhbllokimin e mjeteve që ende nuk janë alokuar.

Rama theksoi se ministri në detyrë, Hekuran Murati, duhet ta mbajë fjalën për alokimin e fondeve të miratuara, ndërsa e kujtoi se ende mbeten të bllokuara 35 milionë euro — përfshirë 25 milionë euro të hyra vetanake dhe 10 milionë euro nga një grant qeveritar.

“U miratuan në Asamblenë e Kryeqytetit të hyrat për vitin 2024, në vlerë prej 28 milionë euro. Shpresoj që ministri në detyrë ta mbajë fjalën për alokimin e këtyre mjeteve. Po ashtu, 25 milionë euro nga të hyrat vetanake dhe 10 milionë euro nga një grant qeveritar, gjithsej 35 milionë euro, vazhdojnë të mbeten të bllokuara pa asnjë arsye procedurale. Këto mjete nuk kërkojnë miratim të Asamblesë, por vetëm vullnetin e ministrit për t’u alokuar”, u shpreh Rama.

Sinjali – aty ku e vërteta flet para lajmit!

/GazetaSinjali/

The post Rama vlerëson bartjen e buxhetit, kërkon që Ministria e Financave të zhbllokojë edhe 35 milionë euro appeared first on Sinjali.