Ekskluzive | Ky është 29-vjeçari që u kap me substancë narkotike në Qafë Prush

Një rast i posedimit të paautorizuar të narkotikëve është regjistruar dje mbrëmë në Pikëkalimin Kufitar Qafë Prush, ku Policia ka ndaluar një automjet dhe ka zbuluar substancë të dyshuar narkotike brenda tij, mëson ekskluzivisht Gazeta Sinjali.

Ngjarja ka ndodhur rreth orës 18:35, në hyrje të pikës kufitare.

Sipas të dhënave që disponon Sinjali, zyrtarët policorë kanë ndaluar automjetin Mercedes Benz, të cilin e drejtonte i dyshuari Ilirjan Xhebexhia, rreth 32-vjeçar. Gjatë kontrollit rutinor të automjetit, brenda tij është gjetur një sasi e substancës së dyshuar narkotike të llojit marihuanë, me peshë rreth 7 gramë.

Substanca e dyshuar është sekuestruar në cilësinë e provës materiale, ndërsa i dyshuari është arrestuar nga Policia Kufitare në vendngjarje.

Në bazë të kompetencave lëndore, rasti i është dorëzuar hetuesve të DHTN-së në Gjakovë, të cilët kanë marrë rastin në procedurë. Lidhur me ngjarjen është njoftuar Prokurori kujdestar nga Prokuroria Themelore në Gjakovë, Departamenti i Përgjithshëm, i cili ka caktuar ndalimin policor prej 48 orësh ndaj të dyshuarit.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Ky është 29-vjeçari që u kap me substancë narkotike në Qafë Prush appeared first on Sinjali.