Ekskluzive | Gjueti e paligjshme në Koshare – pesë persona kapen nga Policia, sekuestrohen armë dhe derri i vrarë (EMRAT)

Një rast i rëndë i gjuetisë së kundërligjshme është regjistruar paraditen e së premtes në fshatin Koshare të Gjakovës, ku pesë persona dyshohet se janë kapur duke gjuajtur brenda zonës së parkut nacional.

Ngjarja ka ndodhur rreth orës 10:54, kur Policia ka marrë informacion nga një burim i besueshëm, nga struktura të afërta me hetimin, se disa persona po lëviznin me armë gjuetie dhe qen gjuetie, duke ushtruar aktivitet të ndaluar në territor të mbrojtur.

Patrulla ka shkuar menjëherë në lokacion, ku ka lokalizuar dhe ndaluar pesë personat e dyshuar: Gezim Bajrami, rreth 42-vjeçar, Muhamet Gashi, rreth 53-vjeçar, Sokol Bajrami, rreth 55-vjeçar, Egzon Bajrami, rreth 35-vjeçar, Imer Bajrami, rreth 32-vjeçar.

Sipas të dhënave që ka mësuar Sinjali, të dyshuarit ishin duke kryer gjueti të kundërligjshme dhe kishin vrarë një derr të egër, i cili është gjetur në vendngjarje.

Çfarë u gjet gjatë kontrollit dhe bastisjeve?

Te i dyshuari Gezim Bajrami: Dy armë ilegale, dy fishekë.

Te i dyshuari Muhamet Gashi: Një armë ilegale gjuetie, 14 fishekë gjuetie.

Te i dyshuari Sokol Bajrami: Në vendngjarje dhe gjatë bastisjes në shtëpi: 14 fishekë kal. 7.62×39 mm, tre radiolidhje, një thikë, një pushkë gjahu kal. 12 mm, një pushkë gjysmë automatike, një pushkë karabinë gjuetie kal. 8×57 mm, 5 fishekë kal. 8×57 mm

Te të dyshuarit Egzon Bajrami dhe Imer Bajrami: Nuk është gjetur asgjë e dyshuar.

Ndërkohë, armët e sekuestruara janë dërguar për procedura të mëtejme, ndërsa derri i vrarë është groposur në një vend të sigurt në koordinim me Drejtorinë Komunale të Bujqësisë.

Pesë personat janë arrestuar, intervistuar dhe me urdhër të Prokurorit janë liruar në procedurë të rregullt.

Hetimet për veprat penale “Mbajtja në pronësi, kontroll ose posedim të paautorizuar të armëve” dhe “Gjuetia e kundërligjshme” po vazhdojnë.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Gjueti e paligjshme në Koshare – pesë persona kapen nga Policia, sekuestrohen armë dhe derri i vrarë (EMRAT) appeared first on Sinjali.