Armë me leje, por e mbajtur në mënyrë të paautorizuar: Arrestohet i riu në Pejë

Burime të besueshme për Gazetën Sinjali bëjnë të ditur se një person është arrestuar në Pejë pasi gjatë një pikë kontrolli u kap me armë të vendosur jashtë kushteve të lejes.

Sipas informatave, rasti ka ndodhur më 29.11.2025, rreth orës 18:00, në rrugën Zahir Pajaziti.

Njësia policore ka ndaluar një veturë VW Golf, ngjyrë e kaltër, ku pas kontrollit të automjetit, i dyshuari Edonis Qelaj, 28 vjeçar, ka pranuar se posedonte një armë me leje, e cila gjendej në anën e majtë afër derës së shoferit, brenda një çante dore.

Në vendngjarje ka dalë njësia e hetimeve dhe krim-teknika, e cila ka bërë sekuestrimin e armës dhe ka lëshuar fletsekuestrimin për të dyshuarin. Qelaj është arrestuar dhe shoqëruar në stacion policor për intervistim.

Lidhur me rastin është njoftuar Prokurori kujdestar, i cili ka udhëzuar të iniciohet procedura për veprën penale “Mbajtje në pronësi, kontroll apo posedim i paautorizuar i armës”. Pas intervistimit, i dyshuari është liruar në procedurë të rregullt.

Hetimet po vazhdojnë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Armë me leje, por e mbajtur në mënyrë të paautorizuar: Arrestohet i riu në Pejë appeared first on Sinjali.