Real Madrid: Haaland, prioriteti për verën 2026

Presidenti i Real Madridit, Florentino Perez, ka vendosur si prioritet transferimin e yllit të Manchester Cityt, Erling Haaland, gjatë verës së vitit 2026.

Real Madridi aktualisht po kalon një periudhë të vështirë në aspektin sportiv, dhe drejtuesit e klubit kanë nisur analizat për të gjetur shkaqet e kësaj krize dhe për të forcuar skuadrën për sezonin e ardhshëm.

Sipas gazetarit të njohur Florian Plettenberg, që është një burim i besueshëm, objektivi kryesor i klubit është asgjë tjetër përveç Haaland, i cili vazhdon të briljojë te Manchester City.

Në bazë të këtij raportimi, Perez e sheh norvegjezin si “shpëtimtari” i Real Madridit, megjithatë është në dijeni se klubi madrilen nuk do ta ketë të lehtë një afrim të tillë.

Haaland ka kontratë afatgjatë me Cityn dhe një nënshkrim i mundshëm padyshim do ta tejkalonte shifrën prej 150 milionë eurove.

Mirëpo, lajmi pozitiv për gjigantin spanjoll është se Haaland nuk do ta refuzonte kalimin në “Santiago Bernabeu”, pasi e sheh Realin si klubi i ëndrrave është fans tepër i madh i futbollit spanjoll.

Mbetet të shihet nëse do të realizohet një transferim i tillë që padyshim do të niste një epokë të re galaktikësh te klubi më i madh në botë.

Sinjali – aty ku e vërteta flet para lajmit!

/GazetaSinjali/

The post Real Madrid: Haaland, prioriteti për verën 2026 appeared first on Sinjali.