“KPop Demon Hunters” kualifikohet për kategorinë e filmave të animuar në Oscar

Filmi i animuar i Netflixit, “KPop Demon Hunters”, po afrohet me hapa të mëdhenj drejt një momenti historik – çmimit Oscar.

Ai është përzgjedhur mes 35 filmave të kualifikuar për kategorinë e filmave të animuar në edicionin e 98-të të Çmimeve të Akademisë së Arteve dhe Shkencave të Filmit, të cilat do të ndahen më 15 mars të vitit të ardhshëm.

Akademia publikoi të premten listat e filmave të kualifikuar për kategoritë e animacionit, dokumentarit dhe filmave ndërkombëtarë. Për të qenë i kualifikuar për Oscar, një film duhet të ketë pasur shfaqje në kinema në SHBA.

“KPop Demon Hunters” u shfaq në New York, Los Angeles dhe San Francisco gjatë qershorit, duke përmbushur këtë kriter, ndërsa shfaqja e tij në Mbretërinë e Bashkuar nuk ishte e mjaftueshme për t’u kualifikuar për BAFTA.

Përveç “KPop Demon Hunters”, listës së filmave të animuar të kualifikuar i bashkohen edhe tituj si: “Arco” i Neon, “Elio”, “Zootopia 2” i Disney, “Little Amélie or the Character of Rain” i GKids, “In Your Dreams” i Netflix, “Demon Slayer: Kimetsu no Yaiba Infinity Castle” i Crunchyroll/Sony dhe “Chainsaw Man – The Movie: Reze Arc”.

Sinjali – aty ku e vërteta flet para lajmit!

/GazetaSinjali/

The post “KPop Demon Hunters” kualifikohet për kategorinë e filmave të animuar në Oscar appeared first on Sinjali.