Kapet me armë në Prishtinë, i sekuestrohet pistoleta dhe ndalohet për 48 orë (EMRI)

Një person është arrestuar mbrëmjen e 21.11.2025 në rrugën “Arbnor dhe Astrit Dehari” në Prishtinë, pasi gjatë kontrollit policor i është gjetur armë zjarri në posedim pa autorizim.

Rreth orës 18:30, Policia ka pranuar informatë se në një veturë të tipit BMW, personat që ndodheshin brenda dyshohej se posedonin armë dhe po lëviznin në drejtim të rrethit të “Maxi 24”.

Njësitë policore kanë dalë në lokacion dhe kanë lokalizuar veturën në fjalë, të cilën e kanë ndaluar për kontroll.

Gjatë kontrollit të personave dhe veturës, është gjetur një armë zjarri, e cila rezultoi të jetë në posedim të të dyshuarit Egëzon Abazi. Arma dhe 6 fishekë janë sekuestruar, ndërsa i dyshuari është intervistuar në prani të avokatit mbrojtës.

Në vendngjarje kanë dalë edhe hetuesi kujdestar dhe krim tekniku, ndërsa pas konsultimit me Prokurorin kujdestar është iniciuar rasti “Mbajtja në pronësi, kontroll ose posedim i paautorizuar i armëve”, dhe me urdhër të tij i dyshuari është dërguar në mbajtje për 48 orë.

Hetimet janë duke vazhduar.

Sinjali – aty ku e vërteta flet para lajmit!

/GazetaSinjali/

The post Kapet me armë në Prishtinë, i sekuestrohet pistoleta dhe ndalohet për 48 orë (EMRI) appeared first on Sinjali.