Ekskluzive | Vjedhja në “Infinit” në Ulpianë – arrestohet i dyshuari që pranoi pjesërisht fajin, dërgohet në mbajtje (EMRI)

Një rast vjedhjeje është zbardhur pas disa ditësh hetime në Prishtinë, ku është arrestuar personi i dyshuar për vjedhjen e disa sendeve nga një lokal afarist – mëson ekskluzivisht Gazeta Sinjali.

Ngjarja ka ndodhur më 21.11.2025, në intervalin kohor 22:00–22:30, në lokalin “Infinit”, në rrugën “Selami Pulahu”, në lagjen Ulpianë.

Rasti ishte raportuar menjëherë në Polici, ndërsa pas veprimeve hetimore, më 26.11.2025 është identifikuar, lokalizuar dhe arrestuar i dyshuari Emran Iseni, rreth 32-vjeçar.

Gjatë intervistimit, i dyshuari ka pranuar pjesërisht fajësinë, duke deklaruar se ka vjedhur dy telefona mobilë, një burmashin pune dhe një çantë dore, pas çka është larguar nga lokali. Ai ka pohuar se sendet e vjedhura i ka shitur menjëherë dhe se nuk i njeh personat të cilëve ua ka shitur.

Lidhur me rastin është njoftuar Prokurori kujdestar, i cili ka lëshuar aktvendim për ndalimin e të dyshuarit, ndërsa i njëjti është dërguar në mbajtje në Prishtinë.

Hetimet janë në vazhdim për zbardhjen e plotë të rastit dhe identifikimin e blerësve të sendeve të vjedhura.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Vjedhja në “Infinit” në Ulpianë – arrestohet i dyshuari që pranoi pjesërisht fajin, dërgohet në mbajtje (EMRI) appeared first on Sinjali.