EKSKLUZIVE | Ndjekje si në filma në autostradë – këta janë të arrestuarit për kokainë dhe marijuanë

Në vijim të operacionit spektakolar të zhvilluar në aksin Duhel–Komoran, ku pas një ndjekjeje të shpejtë janë kapur mbi 300 gram substanca narkotike dhe është sekuestruar një veturë luksoze Range Rover, tashmë janë bërë të ditur edhe emrat e personave të arrestuar.

Bëhet fjalë për Luard Aliaj dhe Darsej Gashi, të cilët dyshohen për përfshirje në posedim dhe trafikim të narkotikëve. Të njëjtit u ndaluan pas bllokimit të veturës në zonën e Komoranit, ndërsa gjatë operacionit policor u gjetën dhe u sekuestruan sasi të konsiderueshme të kokainës dhe marijuanës, si dhe mjete të tjera që do të shërbejnë si prova materiale në procedurë penale.

Me vendim të Prokurorit të Shtetit, të dyshuarit janë ndaluar për 48 orë, ndërsa hetimet po vazhdojnë nga DHTN – Njësia në Prizren.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post EKSKLUZIVE | Ndjekje si në filma në autostradë – këta janë të arrestuarit për kokainë dhe marijuanë appeared first on Sinjali.