Ekskluzive | Ky është i arrestuari për tentim-vrasjen e së fejuarës në Fushë Kosovë

Burime të besueshme nga strukturat e afërta me hetimin bëjnë të ditur për Gazetën Sinjali se personi i arrestuar për ngjarjen e rëndë që ndodhi dje në mëngjes në Fushë Kosovë është Edon Geci, i fejuari i viktimës.

Sipas informacioneve të para, viktima D. T., 23 vjeçare, kishte përfunduar në operacion në QKUK pas një plage të thellë, e cila fillimisht ishte paraqitur si “prerje me gotë”. Megjithatë, mjekët kanë konstatuar se lëndimet ishin të shkaktuara nga mjet i mprehtë, duke ngritur dyshime serioze për rrethanat e deklaruara.

Me urdhër të Prokurorisë, hetuesit dhe forenzika kanë ekzaminuar vendin e ngjarjes, ku është gjetur dhe sekuestruar një thikë, që dyshohet të jetë përdorur në rast. Gjatë procedurave, Geci ka dhënë deklarime kontradiktore për atë që kishte ndodhur.

Rasti është iniciuar si “Vrasje e rëndë në tentativë”, ndërsa hetimet po vazhdojnë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Sinjali – aty ku e vërteta flet para lajmit!

/GazetaSinjali/

The post Ekskluzive | Ky është i arrestuari për tentim-vrasjen e së fejuarës në Fushë Kosovë appeared first on Sinjali.