E rëndë: Tentim vetëvrasje në Ferizaj – 21-vjeçarja përfundon në Emergjencë pas konsumimit të barnave

Një rast i tentim-vetëvrasjes ka ndodhur mbrëmjen e 26.11.2025 në fshatin Varosh të Ferizajt, ku një e re ka përfunduar në trajtim mjekësor pas konsumimit të tepruar të barnave, mëson ekskluzivisht Gazeta Sinjali.

Sipas informatave, rreth orës 21:20, Policia është njoftuar nga Emergjenca e qytetit se një person gjendej në trajtim mjekësor si pasojë e mbidozimit të barnave. Patrulla policore ka dalë në vendin e ngjarjes dhe në Emergjencë ka konstatuar se bëhej fjalë për A. M., rreth 21-vjeçare, e cila kishte konsumuar sasi të madhe barnash në shtëpinë e saj në fshatin Varosh.

Sipas deklarimeve fillestare, rasti dyshohet të ketë ndodhur për arsye personale, ndërsa gjendja e saj shëndetësore aktualisht po monitorohet nga ekipi mjekësor. Viktima është trajtuar në Qendrën Emergjente dhe, pas përfundimit të trajtimit, pritet të lirohet për në shtëpi.

Në lidhje me rastin janë njoftuar njësitë hetimore të Stacionit Policor dhe Hetimet Rajonale, të cilat kanë dalë në vendin e ngjarjes dhe kanë ndërmarrë veprimet e nevojshme procedurale. Po ashtu, është njoftuar Prokurorja kujdestare, e cila ka udhëzuar që rasti të trajtohet në përputhje me procedurat.

Sinjali – aty ku e vërteta flet para lajmit!

/GazetaSinjali/

The post E rëndë: Tentim vetëvrasje në Ferizaj – 21-vjeçarja përfundon në Emergjencë pas konsumimit të barnave appeared first on Sinjali.