Bashkësi jashtëmartesore me të mitur në Milloshevë – një person ndalohet për 48 orë

Një rast i dyshuar i veprës penale “Bashkësi jashtëmartesore me person nën moshën gjashtëmbëdhjetë vjet” është iniciuar nga Policia në Obiliq, pas raportimit për zhdukjen e një vajze të mitur.

Sipas informatave të Sinjalit, më 22.11.2025 një prind ka paraqitur rastin në Stacionin Policor në Obiliq, duke njoftuar se vajza e tij e mitur me inicialet Xh.R. ishte larguar nga shtëpia dhe dyshohej se gjendej në Prizren. Me urdhër të prokurorit për të mitur është iniciuar rasti dhe janë ndërmarrë veprime operative për lokalizimin e saj.

Më 23.11.2025, në koordinim me Policinë e Prizrenit, është bërë shoqërimi i të dyshuarit M.K. dhe të miturës në Stacionin Policor në Obiliq, ku palët janë intervistuar në prani të zyrtarit të Qendrës për Punë Sociale dhe avokatit.

Pas konsultimit me Prokurorin kujdestar për të mitur, është iniciuar rasti për veprën penale “Bashkësi jashtëmartesore me person nën moshën gjashtëmbëdhjetë vjet”, ndërsa ndaj të dyshuarit është caktuar masa e ndalimit për 48 orë.

I njëjti është dërguar në Qendrën e Ndalimit, ndërsa rasti mbetet nën hetime të mëtejme nga organet kompetente.

Sinjali – aty ku e vërteta flet para lajmit!

/GazetaSinjali/

The post Bashkësi jashtëmartesore me të mitur në Milloshevë – një person ndalohet për 48 orë appeared first on Sinjali.