86-vjeçari nga Mitrovica zhduket pa gjurmë, familja alarmon Policinë

Një 86-vjeçar nga Mitrovica është raportuar si person i zhdukur, pasi ka lënë banesën e tij mëngjesin e 18 nëntorit dhe nuk është kthyer më. Rasti është regjistruar në Policinë e Kosovës nga bashkëshortja e tij.

Sipas denoncimit, Selim Voca, rreth 86-vjeçar ka dalë nga shtëpia rreth orës 07:00, pa telefon dhe pa lënë ndonjë njoftim. Familjarët kanë theksuar se nuk dihet se çfarë ka pasur veshur në momentin e largimit. Ai përshkruhet si rreth 170 cm i gjatë, me flokë të bardha, sy të kaltër dhe peshë rreth 78 kg.

Bazuar në deklarimet e familjes, kjo është hera e parë që ai largohet pa kontakt, ndërsa gjendja e tij nuk është e mirë, çka e shton shqetësimin mbi rrezikshmërinë e situatës.

Me udhëzim të Prokurorit, rasti është iniciuar si “Person i zhdukur” dhe është duke u trajtuar nga njësitë përkatëse hetimore.

Hetimet po vazhdojnë.

Sinjali – aty ku e vërteta flet para lajmit!

/GazetaSinjali/

The post 86-vjeçari nga Mitrovica zhduket pa gjurmë, familja alarmon Policinë appeared first on Sinjali.