16 subjekte, dy prej tyre koalicione konfirmojnë pjesëmarrjen deri tash për zgjedhjet e 28 dhjetorit

Deri më tani, e diel, 30 nëntor 2025, ora 18:00, gjashtëmbëdhjetë subjekte politike kanë plotësuar formularin e certifikimit për pjesëmarrje në zgjedhjet e parakohshme për Kuvendin e Kosovës, i cili është i ngjashëm me formularin e proceseve të kaluara zgjedhore.

Zëdhënësi i KQZ-së, Valmir Elezi, tha për KP se dy prej tyre janë koalicione: Koalicioni “PAI – PDAK – LPB”, i përbërë nga tri parti politike: Partia e Ashkalinjëve për Integrim (PAI), Partia Demokratike e Ashkalinjve të Kosovës (PDAK) dhe Lëvizja për Bashkëveprim (LPB)”; dhe Koalicioni “Koalicija VAKAT”, i përbërë nga tri parti politike: Demokratska Stranka Boshnjaka (DSB), Boshnjaçka Stranka Kosova (BSK) dhe Demokratska Stranka Vatan (DSV). 


Partitë politike që kanë konfirmuar pjesëmarrjen në zgjedhje janë LDK, PDK, Kosovaki Nevi Romani Partia, Jedinstvena Goranska Partija, Za Slobodu Pravdu i Opstanak, KDTP, Partia Liberale Egjiptiane, Partia Rome e Bashkuar e Kosovës, Socialdemokratska Unija – SDU, Lista Serbe Iniciativa e Re Demokratike e Kosovës, Fjala, Nova Demokratska Stranka – NDS, Lëvizja Përparimtare e Romëve të Kosovës (LPRK).

Po ashtu, më 30 nëntor përfundon afati edhe për partitë politike që ta njoftojnë KQZ-në, respektivisht Zyrën, se nuk duan të certifikohen për pjesëmarrje në zgjedhje. Afati për dorëzimin e listës së kandidatëve të subjekteve politike, 24 nëntor – 7 dhjetor.

Deri më 7 dhjetor 2025, subjektet politike, partitë politike, koalicionet, nismat qytetareve dhe kandidatët e pavarur, që aplikojnë për certifikim, duhet të dorëzojnë përmes platformës listën e tyre me emrat e kandidatëve për deputetë të zgjedhjeve të parakohshme për Kuvendin e Kosovës.

Kujtojmë, sonte në ora 23:59 përfundojnë afatet për subjektet politike lidhur me zgjedhjet e parakohshme për Kuvendin e Kosovës që mbahen më 28 dhjetor 2025.

Sinjali – aty ku e vërteta flet para lajmit!

/GazetaSinjali/

The post 16 subjekte, dy prej tyre koalicione konfirmojnë pjesëmarrjen deri tash për zgjedhjet e 28 dhjetorit appeared first on Sinjali.