Policia e Kosovës sërish paralajmëron për mesazhe mashtruese në e-mail: S’janë dokumente zyrtare

Policia e Kosovës ka bërë të ditur se sërish po qarkullojnë e-mail-e të rreme ose false, që përmbajnë informacione jozyrtare dhe pretendohet se janë dërguar nga ky institucion i sigurisë, por të cilat janë të falsifikuara.

Policia ka theksuar se po i hetojnë ato.

Policia e Kosovës ka bërë të ditur se sërish po qarkullojnë e-mail-e të rreme ose false, që përmbajnë informacione jozyrtare dhe pretendohet se janë dërguar nga ky institucion i sigurisë, por të cilat janë të falsifikuara.

Komunikata:

Njoftim zyrtar lidhur me qarkullimin e e-mailave të rreme/false

Prishtinë, më 28 nëntor 2025

Policia e Kosovës (PK), njofton opinionin publik lidhur me qarkullimin dhe shpërndarjen nëpër e-maile të ndryshme, të disa informacioneve jozyrtare (false/rreme), që kinse i përkasin Policisë së Kosovës dhe organizatave të ndryshme, informacione këto kinse janë lëshuar edhe nga Drejtori i Përgjithshëm i Policisë së Kosovs, andaj sqaron se:

Këto informacione të dërguara nga kinse zyrtarë të lartë të PK-së, të emërtuara si “THIRRJE GJYQËSORE”, me numër referues të dosjeve të lëshuara kinse siç potencohen në e-maile nga stafi i lartë menaxhues i PK-së, Agjencia e Sigurisë Kibernetike në Kosovës, Byroja Federale e Hetimeve, Policia Kombëtare e Krimit Kibernetik dhe Organizatën Ndërkombëtare të Policisë Kriminale etj., NUK janë dokumente zyrtare të Policisë së Kosovës, e aq më pak të lëshuara nga zyrtarë të lartë brenda PK-së, por janë e-mail-e/dokumente të falsifikuara për përdorim me qëllime të caktuara.

Policia e Kosovës si institucion i zbatimit të ligjit, në bashkëpunim dhe koordinim me organet e drejtësisë, pas sigurimit të informacioneve rreth përsëritjes së qarkullimit të e-mail-eve të tilla, po kryen hetime intensive, duke angazhuar njësitet kompetente policore, me qëllim të hetimit, verifikimit dhe zbulimit të kryerësve të kësaj vepre penale.

Policia e Kosovës njofton dhe njëherit fton qytetarët që të mos bien pre e dezinformatave/mashtrimeve të tilla dhe kushdo që mund të pranojë ndonjë e-mail/dokument të tillë, ta adresojë në adresën zyrtare të PK-së info@kosovopolice.com për trajtim dhe kompetencë të mëtejme.

Sinjali – aty ku e vërteta flet para lajmit!

/GazetaSinjali/

The post Policia e Kosovës sërish paralajmëron për mesazhe mashtruese në e-mail: S’janë dokumente zyrtare appeared first on Sinjali.