Napoli triumfon ndaj Atlantës, ngjitet në krye të tabelës së Serie A

Napoli ka vazhduar serinë e rezultateve pozitive në shtëpi, duke e mposhtur Atalantën me rezultatin 3-1 dhe duke shuar entuziazmin e Raffaele Palladinos në debutimin e tij në pankinën e klubit bergamask.

David Neres ishte hero i pjesës së parë, duke shënuar dy gola, ndërsa Noa Lang vulosi dominimin e kampionëve të Serie A me golin e tretë në minutat e fundit të 45 minutëshit të parë.

Atalanta reagoi në pjesën e dytë, kur Gianluca Scamacca shënoi në minutën e 52-të dhe e shtoi presionin mbi Napolin për disa minuta, por kampionët arritën të menaxhonin lojën dhe të ruanin epërsinë deri në fund.

Me këtë fitore, Napoli ngjitet përkohësisht në krye të tabelës së Serie A, duke zgjatur në 17 ndeshje serinë e pa humbjeve në shtëpi.

Në anën tjetër, Atalanta vazhdon krizën e saj, duke mbetur pa fitore në tetë ndeshje rresht në kampionat.

Sinjali – aty ku e vërteta flet para lajmit!

/GazetaSinjali/

The post Napoli triumfon ndaj Atlantës, ngjitet në krye të tabelës së Serie A appeared first on Sinjali.