“KosoWOW”, Hoffenheimi me postim special për katër kosovarët që e bënë historinë në Bundesligë

Klubi i Hoffenheimit – që garon në Bundesliga – ka bërë një postim të veçantë për katër yjet e kombëtares së Kosovës, që luajnë në elitën e futbollit gjerman.

Në postim u përfshinë tri yjet dardane të Hoffenheimit, Fisnik Asllani, Leon Avdullahu dhe Albian Hajdari, së bashku me mesfushorin e Augsburgut, Elvis Rexhbeçajn.

Hoffenheimi fitoi 3-0 ndaj Augsburgut, me Asllanin, Avdullahun dhe Hajdarin që e nisën nga fillimi ndeshjen.

Teksa Rexhbeçaj i Augsburgut u fut në minutën e 46-të.

Në postimin e Hoffenheimit, thuhet për herë të parë ndodhi që katër lojtarë kosovarë u paraqitën në fushë, në një ndeshje të Bundesligës.

“KosoWOW. Me Fisnik Asllanin, Leon Avdullahun, Albian Hajdarin dhe Elvis Rexhbecajn e Augsburgut, katër lojtarë kosovarë luajtën në një ndeshje për herë të parë në historinë e Bundesligës”, shkruan Hoffenheimi.

Sinjali – aty ku e vërteta flet para lajmit!

/GazetaSinjali/

The post “KosoWOW”, Hoffenheimi me postim special për katër kosovarët që e bënë historinë në Bundesligë appeared first on Sinjali.