Jennifer Lopez fiton shumë marramendëse për performancën në dasmën e një miliarderi në Indi

Ylli i muzikës pop, Jennifer Lopez, mori një shumë marramendëse për performancën e saj në dasmën e një miliarderi në Indi gjatë fundjavës.

Në dasmën ku morën pjesë shumë yje, përfshirë edhe djalin e presidentit amerikan, Donald Trump, Lopez u pagua 2 milionë dollarë për të dalë në skenë.

56-vjeçarja ndezi atmosferën duke u paraqitur me disa kostume, ndërsa këndoi hitet e saj “Waiting for Tonight” dhe “Get Right”, raporton të martën “TMZ”.

Ajo nderoi nikoqirët duke veshur fillimisht një sari rozë – veshje tradicionale në Indi – para se të zhvishej në një kostum të zi për të vazhduar performancën.

Por këto nuk ishin veshjet e vetme; Lopez veshi edhe një kostum ngjyrë ari, dhe më pas një tjetër ngjyrë bezhë me gurë të çmuar dhe çizme të gjata deri në gju.

Një video e publikuar në platformën X paraqet JLo-në duke e përmbyllur performancën me një dolli për nusen dhe dhëndrin.

“Qofshin të bashkuara këto familje në këtë ditë të mrekullueshme dhe Zoti na bekoftë të gjithëve”, ka thënë ajo duke cakërruar gotat.

Sinjali – aty ku e vërteta flet para lajmit!

/GazetaSinjali/

The post Jennifer Lopez fiton shumë marramendëse për performancën në dasmën e një miliarderi në Indi appeared first on Sinjali.