Iu gjetën 120 kg narkotikë në autobus, përfundon në pranga shoferi

Përdorimi e shitblerja e substancave narkotike janë terma jo rrallë herë të dëgjuar në media.

Jo më larg se ditën e sotme, Prokuroria Speciale e Republikës së Kosovës ka njoftuar sot për arrestimin e një personi të dyshuar për posedim dhe shpërndarje të substancave narkotike.
I dyshuari për rastin është B.K., të cilit narkotikë t iu gjetën në një autobus të cilin e drejtonte vetë.

Gjatë kontrollit në automjet, hetuesit e Drejtorisë për Hetimin e Trafikimit me Narkotikë, në koordinim me Prokurorinë Speciale, kanë gjetur dhe sekuestruar një sasi të madhe narkotikësh, që dyshohet të jetë rreth 120 kilogramë.

Rasti po trajtohet me prioritet të lartë, ndërsa hetuesit dhe prokuroria po ndërmarrin veprimet e nevojshme hetimore në përputhje me Kodin e Procedurës Penale dhe legjislacionin në fuqi.

Me vendim të Prokurorisë Speciale, i dyshuari është ndaluar për 48 orë.

Prokuroria ka theksuar se mbetet e përkushtuar në luftimin e të gjitha veprave penale që lidhen me substanca narkotike, me qëllim të garantimit të sigurisë dhe mirëqenies së qytetarëve.

Sinjali – aty ku e vërteta flet para lajmit!

/GazetaSinjali/

The post Iu gjetën 120 kg narkotikë në autobus, përfundon në pranga shoferi appeared first on Sinjali.