Filmi “Rush Hour” do të realizohet me kërkesë të Trumpit

Sipas mediave ndërkombëtare, studioja “Paramount Pictures” do të publikojë filmin “Rush Hour 4”, pasi presidenti amerikan, Donald Trump, ka kërkuar personalisht rikthimin e vazhdimit të katërt të serisë së njohur komedi-aksion.

Besohet se Trump i ka kërkuar Larry Ellisonit, themelues miliarder i kompanisë “Oracle”, e cila zotëron studion “Paramount”, të nxjerrë versionin e ri të filmit me aktorët protagonistë, Jackie Chan dhe Chris Tucker.

Kanë kaluar pothuajse dy dekada që nga publikimi i “Rush Hour 3”, dhe nuk ka pasur lëvizje për vazhdimin e katërt, që kur “Warner Bros” ndërpreu bashkëpunimin me regjisorin Brett Ratner në vitin 2017, pas akuzave për sjellje të pahijshme seksuale. Ndër vite, disa studio janë kontaktuar për realizimin e filmit të ri, për të cilin tashmë ekziston skenari, por përfshirja e Ratner-it thuhet se ka pezulluar projektin.

Filmat “Rush Hour” janë ndër të preferuarit e presidentit Trump, së bashku me tituj të tjerë si “Goodfellas”, “Godfather”, “The Good, the Bad and the Ugly” dhe “Citizen Kane”.

Ndërsa shumë yje të Hollywood-it kanë qenë kritikë ndaj Trumpit, aktorët Jackie Chan dhe Chris Tucker nuk e kanë sulmuar publikisht udhëheqësin republikan.

Sinjali – aty ku e vërteta flet para lajmit!

/GazetaSinjali/

The post Filmi “Rush Hour” do të realizohet me kërkesë të Trumpit appeared first on Sinjali.