Ekskluzive | Hakim i profilit në Facebook dhe kërcënime me mesazhe në Leposaviq – hapen dy raste penale

Një rast i ndërhyrjes së paligjshme në sisteme kompjuterike i shoqëruar me kërcënime është raportuar në fshatin Dobravë të Leposaviqit.

Ankuesi, R. Radomirović, 53 vjeçar, është paraqitur në Stacionin Policor të Leposaviqit më 15.11.2025, rreth orës 15:00, duke deklaruar se profili i tij në Facebook është hakuar gjatë orëve të para të mëngjesit, rreth orës 00:30, raporton Sinjali.

Sipas tij, persona të panjohur kanë marrë kontrollin e llogarisë së tij në Facebook. Ai ka shtuar se gjatë dy javëve të fundit ka pranuar mesazhe kërcënuese nga profile të falsifikuara, me përmbajtje të tilla si: “Spijun si” (“Je spiun”). Ankuesi ka deklaruar se një nga personat që dyshon se qëndron pas këtyre kërcënimeve jeton jashtë Kosovës që nga rasti “Banjska” i datës 24.09.2023, ndërsa dy profilet e tjera që e kanë kërcënuar nuk i njeh.

Rasti është marrë në trajtim nga Hetimet Rajonale të DRP Mitrovica – Veri, të cilat kanë kontaktuar Prokurorin e Shtetit. Me udhëzim të tij, janë iniciuar dy procedura penale:

          •        “Ndërhyrje në sistemet kompjuterike”,

          •        “Kanosje”.

Hetimet janë duke vazhduar për identifikimin e autorëve dhe verifikimin e komunikimeve elektronike.

Sinjali – aty ku e vërteta flet para lajmit!

/GazetaSinjali/

The post Ekskluzive | Hakim i profilit në Facebook dhe kërcënime me mesazhe në Leposaviq – hapen dy raste penale appeared first on Sinjali.