Detaje ekskluzive nga ndjekja si në filma – NJRSH e Prizrenit me tri vetura në aksion spektakolar kundër trafikimit të drogës

Gjatë një aksioni të organizuar kundër narkotikëve, NJRSH e Prizrenit ka zhvilluar një operacion intensiv në terren, ku për rreth dy orë ka ndjekur me tri automjete veturën luksoze Range Rover, në të cilën ndodheshin dy persona të dyshuar për posedim dhe trafikim të drogës.

Ndjekja ka nisur pas informatave operative dhe është zhvilluar në disa segmente rrugore, deri në magjistralen Pejë–Prishtinë, në zonën e Komoranit, ku policia ka arritur ta bllokojë dhe ndalojë automjetin.

Gjatë kontrollit është konstatuar se në veturë po udhëtonin Luard Aliaj dhe Darsej Gashi, të cilët dyshohen se posedonin sasi të kokainës dhe marijuanës. Po ashtu, dyshohet se gjatë ikjes një pjesë e drogës është hedhur nga vetura në përpjekje për t’iu shmangur policisë.

Të dyshuarit janë arrestuar në vendngjarje dhe janë shoqëruar në Stacionin Policor, ku janë intervistuar në prani të avokatëve mbrojtës. Me vendim të Prokurorit të Shtetit janë ndaluar për 48 orë, ndërsa hetimet po vazhdojnë nga DHTN – Njësia në Prizren.

Operacioni konsiderohet si një nga ndërhyrjet më dinamike të ditëve të fundit në luftën kundër narkotikëve.

Sinjali – aty ku e vërteta flet para lajmit!

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

/GazetaSinjali/

The post Detaje ekskluzive nga ndjekja si në filma – NJRSH e Prizrenit me tri vetura në aksion spektakolar kundër trafikimit të drogës appeared first on Sinjali.