Amir Rrahmani shumë afër vazhdimit të kontratës me kampionin në fuqi të Italisë

Kapiteni i Kosovës, Amir Rrahmani, së shpejti do ta vazhdojë kontratën me kampionin në fuqi të Italisë, Napolin.

Sajti “Calcionapoli24” ka shkruar të premten se në ditët në vijim do të finalizohet marrëveshja e re mes Napolit dhe Rrahmanit.

Kontrata aktuale e qendërmbrojtësit me përvojë përfundon në vitin 2027.

Me kontratën e re, Rrahmani do të jetë pjesë e napolitanëve deri në verën e vitit 2029. Ai do të ketë edhe rritje të dukshme të pagës. Do t’i fitojë 4 milionë euro në sezon.

31-vjeçari Rrahmani është pjesë e Napolit prej vitit 2020 kur ishte transferuar nga Verona për 15 milionë euro. Rrahmani me Napolin i ka fituar dy tituj të kampionit në Itali.

Sinjali – aty ku e vërteta flet para lajmit!

/GazetaSinjali/

The post Amir Rrahmani shumë afër vazhdimit të kontratës me kampionin në fuqi të Italisë appeared first on Sinjali.