“S’jam për p*r*o në mes të ditës!”- Alketa Vejsiu kritika të ashpra për BBVK, thotë se ka kaluar  çdo limit etik

Moderatorja e njohur Alketa Vejsiu ka shprehur kritika të forta për edicionin aktual të “Big Brother VIP Kosova”, duke e akuzuar programin se ka tejkaluar çdo standard etik dhe se ka përmbajtje të papërshtatshme për audiencën.

Përmes një postimi në InstaStory, Vejsiu theksoi se, si moderatore, ajo do ta kishte prezantuar programin ndryshe dhe se do të kishte ngritur nivelin e formatit. Ajo e shprehu shqetësimin për përmbajtjen erotike që shfaqet gjatë ditës dhe tha se kjo nuk është diçka që mund të pranohet, veçanërisht në oraret kur programi është në transmetim.

“Do ta prezantoja ndryshe; do ta ngrija nivelin. Tek ‘Big Brother’ i Kosovës, nga ajo që shoh në rrjetet sociale, është tejkaluar çdo limit etik. Nuk jam për porno në mes të ditës, kurrsesi. Shfaqen skena që të krijojnë bezdi dhe diskomfort,” ka shkruar moderatorja.

Vejsiu nuk i kurseu as kritikat për personazhet që përbëjnë këtë edicion të “Big Brother”-it, duke i cilësuar disa prej tyre si të papërshtatshëm dhe pa ndonjë vlerë për programin. Sipas saj, disa persona që kanë hyrë në shtëpi nuk përfaqësojnë asgjë tjetër përveçse sjellin imazhe të pavlera dhe ofrojnë përmbajtje që mund të konsiderohen vulgaritete.

“Ka disa personazhe interesantë, por ka edhe shumë të tjerë që nuk di çfarë përfaqësojnë. Pse duhet të bëhen modele ca vajza që nuk kanë asgjë për të ofruar përveçse tundin të pasmet dhe japin leksione erotizmi?!” – ka thënë ajo.

Në fund, Alketa Vejsiu ka propozuar një qasje më të lartë dhe më të ndershme për të arritur suksesin, duke nënvizuar se është e mundur të krijohet një format më cilësor edhe me një audiencë të gjerë, duke rritur nivelin e personazheve dhe të përmbajtjes.

“Mendoj se edhe duke rritur nivelin e personazheve dhe të narrativës, mund të arrihet po aq sukses. Unë i shpall luftë vulgaritetit dhe do të dëshiroja që ata që futen të kenë diçka më shumë për të treguar dhe për të sjellë,” ka përfunduar moderatorja.

Sinjali – aty ku e vërteta flet para lajmit!

/GazetaSinjali/

The post “S’jam për p*r*o në mes të ditës!”- Alketa Vejsiu kritika të ashpra për BBVK, thotë se ka kaluar  çdo limit etik appeared first on Sinjali.