Pse Raphinha zgjodhi Barcelonën dhe jo Chelsean? – Ylli brazilian tregon arsyjen

Ylli brazilian Raphinha ka zbuluar prapaskenat e verës së vitit 2022, kur Chelsea ishte shumë afër ta transferonte nga Leeds United.

Klubi londinez kishte arritur marrëveshje të plotë me Leedsin dhe gjithçka dukej e mbyllur, deri në momentin kur në skenë hyri Barcelona.

Raphinha, i menaxhuar atëherë nga Deco, tregoi se oferta e Chelseat nuk e tundoi aspak sapo mësoi për interesimin e katalanasve.

“Që nga ndeshja ime e fundit me Leeds, e dija se kisha një shans për të veshur fanellën e Barcelonës”, tha braziliani.

Ai shtoi se, ndonëse ishte i vetëdijshëm për interesimin e Chelseat, ëndrra e tij ishte e qartë. “E dija që Chelsea më donte, por unë kisha një ëndërr që duhej ta përmbushja dhe dhashë 100 përqind për ta bërë realitet”, u shpreh Raphinha.

Braziliani theksoi se gjatë gjithë procesit nuk mori parasysh asnjë klub tjetër. “I mbylla sytë ndaj klubeve të tjera që më donin. Kisha një ëndërr dhe bëra gjithçka që munda për të luajtur për Barcelonën”.

Sonte (e martë), Raphinha do të përballet pikërisht me Chelsean dhe Barcelonën në një sfidë vendimtare të Ligës së Kampionëve, një duel që përmbledh të kaluarën, të tashmen dhe ambicien e tij të dikurshme.

Sinjali – aty ku e vërteta flet para lajmit!

/GazetaSinjali/

The post Pse Raphinha zgjodhi Barcelonën dhe jo Chelsean? – Ylli brazilian tregon arsyjen appeared first on Sinjali.