Konflikt familjar në Prishtinë, dy të mitur ndalohen me 48 orë pas përleshjes me thikë

Një incident i rëndë i dhunës në familje është regjistruar mbrëmjen e 17.11.2025, rreth orës 22:30, në rrugën “Idriz Gjilani” në Prishtinë. Rasti është raportuar në Stacionin Policor nga R. A., rreth 60-vjeçare, e cila ka kërkuar intervenimin e policisë pas një përleshjeje të ndodhur brenda banesës së saj, ku të përfshirë ishin tre të mitur – fëmijët e saj.

Sipas të dhënave, konflikti ka nisur kur vajza F. A., rreth 17-vjeçare kishte tentuar të dilte me një shoqe të saj, por ishte penguar nga nëna, e cila i kishte mbyllur derën me çelës. Në ato momente ka ardhur në banesë vëllai F. A., rreth 17-vjeçar, i cili ka hapur derën, duke bërë që situata të përshkallëzohej në përleshje fizike.

Ndërsa tensionet janë rritur, vëllai tjetër F. A., rreth 18-vjeçar ka marrë në dorë një thikë, duke i kanosur familjarët me qëllim “qetësimin e situatës”. Thika është sekuestruar nga krimteknika policore.

Të tre të miturit — F. A. (F.), F. A. (F.) dhe F. A. (F.) — janë shoqëruar në stacion policor. Me vendim të prokurorit kompetent: rasti është iniciuar si “Dhune në familje”, të miturit janë intervistuar në cilësi të të dyshuarve, ndërsa dy prej tyre, vëllezërit, janë ndaluar për 48 orë dhe dërguar në Qendrën e Ndalimit.

Rasti është nën hetime.

Sinjali – aty ku e vërteta flet para lajmit!

/GazetaSinjali/

The post Konflikt familjar në Prishtinë, dy të mitur ndalohen me 48 orë pas përleshjes me thikë appeared first on Sinjali.