Ekskluzive | Armë të fshehura në Damjan të Gjakovës, bastiset shtëpia e të dyshuarit pas publikimit të një fotoje me armë nga tre të mitur

Një rast serioz i mbajtjes së paautorizuar të armëve është zbuluar në fshatin Damjan të Gjakovës, pas publikimit të një fotografie ku shiheshin tre të mitur duke ekspozuar armë zjarri.

Ngjarja ka ndodhur më 22.11.2025 rreth orës 20:00, kur pas një informate, policia ka ndërmarrë veprime të menjëhershme dhe me urdhër të Prokurorit ka kryer bastisje në lokacionin e dyshuar, në pronësi të Adem Sufajt.

Gjatë kontrollit janë gjetur dhe sekuestruar:

                •             Pushkë gjuetie Cifsan

                •             Fishekë të kalibrit 12 mm

                •             Pistoletë TT

                •             Fishekë të kalibrit 7.62 mm

I dyshuari ka deklaruar se pushkën e gjuetisë e posedon nga koha kur ishte pjesëtar i shoqatës së gjuetarëve, ndërsa pistoletën e kishte si kujtim nga gjyshi dhe sipas tij nuk e ka përdorur asnjëherë.

Në konsultim me Prokuroren kujdestare, rasti është iniciuar si “Mbajtja në pronësi, kontroll ose posedim të paautorizuar të armëve”, ndërsa i dyshuari është liruar në procedurë të rregullt.

Hetimet janë duke vazhduar.

Sinjali – aty ku e vërteta flet para lajmit!

/GazetaSinjali/

The post Ekskluzive | Armë të fshehura në Damjan të Gjakovës, bastiset shtëpia e të dyshuarit pas publikimit të një fotoje me armë nga tre të mitur appeared first on Sinjali.