Blero përlot me dedikimin e ri për Shpat Kasapin: Ende më duket sikur jam në ëndërr…

Blero Muharremi ka ndarë në Instagram një dedikim prekës për Shpat Kasapin, duke lënë fansat dhe miqtë e artistit të ndjerë me lot në sy.

Postimi i tij, i shoqëruar me një foto të dyshes gjatë performancave të viteve të arta, rikthen kujtimet e një miqësie të sinqertë dhe dhimbjen e humbjes së madhe.

“Ende më duket sikur jam në ëndërr… si shok i yt dhe mik i familjes tënde, zemra m’u bë mal kur pashë dashurinë që ta dhanë shqiptarët anë e mban botës,” shkruan Blero, duke përshkruar një dhimbje që, sipas tij, nuk ka fjalë që ta shpjegojnë.

Në mesazhin e tij, këngëtari shpreh mirënjohjen për mënyrën se si publiku nderoi Shpatin pas ndarjes tragjike nga jeta, një dashuri që duket se e ka prekur thellë edhe vetë Bleron.

Ai mbyll dedikimin me një shpresë të thyer, por të sinqertë: “Shpresoj të shihemi në botën tjetër… aty ku ti vallzon e këndon me engjëjt. Lamtumirë vëlla.”

Me një zemër të thyer dhe një pëllumb të bardhë si simbol lamtumire dhe paqeje, mesazhi i Bleros tregon ndikimin e madh që Shpat Kasapi la pas, jo vetëm si artist, por edhe si njeri që la gjurmë te miqtë dhe publiku që e deshi pafund.

Sinjali – aty ku e vërteta flet para lajmit!

/GazetaSinjali/

The post Blero përlot me dedikimin e ri për Shpat Kasapin: Ende më duket sikur jam në ëndërr… appeared first on Sinjali.